Конкурс на лепшую назву новай гасцініцы правялі Віцебскі гарвыканком і рэдакцыя гарадской газеты “Витьбичи”. Каля тысячы розных назваў і варыянтаў паступіла ў журы конкурсу. Больш за ўсё прапаноў аказалася на карысць назвы “Лучоса”. Так называецца рака ў Віцебску – малодшая сяброўка Заходняй Дзвіны. Увод у эксплуатацыю новай гасцініцы чакаецца да пачатку традыцыйнага фестывалю “Славянскі базар у Віцебску”.